[center][size=18]تعززوا للـي مريـضٍ ولا قـام،،، تعـززوا للـي مسافـر خليلـه
ياويل من قلبٍ سطت به الأوهام،،،وياويـل قلـبٍ ماتهنـأ بخليلـه
مالي وسيله كود شوفه بالأحـلام،،،زادت جروحي والليالي طويلـه
خلي خذا قلبي إلا صد وإن قـام،،،وإلا تبسـم بالثنايـا الجميـلـه
وأنا مريضٍ ولا رحمني من العام،،،دايم علـى بالـي نهـارٍ وليلـه
إن مت لأجله قربوا طيب رخام،،،وإكتب على قبري قتيل الجديلـه
ترفق علـى قلـبٍ تلـوع وذاق الويـل
جفاه الزمـان وصابـه اليـوم ماصابـه
حدتها الليالـي دوم مـن مسهـا بالكيـل
نصيبه عـزاه وزوده الهـم يشقـى بـه
عقب ما إرتبط حبل الهوى وإنعقد بالحيل
هقيت العواصف ماتهـزه وتقسـى بـه
مع الصاحب اللي طاوع القال وأهل القيل
قطع حبال المـوده والقلـب قطـع بـه
غريرٍ غشيـمٍ نزوتـه طلعـت الموديـل
بحبـه هـواه يهـواه طمـا فاتـحٍ بابـه
انا تعلمت الجفاء من تغليك ****ومن المذلة والخضوع انتهينا
من كل قلبي يشهد الله ناسيك ****غير الضياع بحبكم وش لقينا
ذيك المحبه كفنا ساهر لياليك **** ياما على قبل الضياع التقينا
ابحتفظ في عزة النفس مابيك ****بالناس نلقى الى نبية ويبينا
مما معى زينت للنفس ماضيك ****في درب حبك ليتنا ما مشينا
هديت عرش الحب يازين بيديك ****من بحر حبك بالنجاة اكتفينا
انهيت قصة حبنا في تغليك ****امسح دموعك بالجفاء مابدينا
ذاب الحنين بعين قلب تراعيك ****مثلك على النسيان والله قوينا
حبه بحر مركب غرامي .. رسا فيه ويصبح هواه اليوم للقلب .. ربّـان
يقـز قلبـي كـل ماسمـع طاريـه وأفرح من أعماقي لو الزيـن بـان
أعيش معاه الحب .. بأسما معانيـه وإن غاب عني ياهلي صرت ولهان
هو سيد قلبي ياعرب أهواه ومليـه من دونه الحالـه تزايـد بنقصـان
والله ماضيـع حنانـه وأنـا أفديـه ولا أرخصه بالقلب مهما جرا وكان
منيب مسيّر بعد خلي على الحاره جعل الزلازل بعد خلي .. تزلزلها
دارٍ جفت لي حبيبي عفت مسياره يالله بنجمٍ مـن السابـع يجزلهـا
خلي غدوا به هله يا بعد مشواره وأنا من الزين للزينـات عازلهـا
جوله بعاد النحايـا وقلعـوا داره والقلب غيره حرام مـا يغازلهـا
أمنّي النفس برد الحـول بزيـاره يا من يبشـر إلا زارت منازلهـا
ياكودي أرتاح وأنسى الهم وأكداره ياللي عيوني وأنا ماشي تغازلهـا
كلٍ على قد فعله تذكـر أخبـاره النـاس بالنـاس والله مانهزلهـا
إلا جت لك الدنيا على غاية المطلوب ترفق .. ترى الدنيا به إقفاي وقبالـي
أناشدك ياللي ما عرفت الوفـا مـره إلى ما وفيت الناس .. ماهوب وافيني
أناشدك ياللي منكم الفضل والمعروف تذكر زمانٍ فات يوم أنـت محتاجـي
أناشدك يا شايف جمالك ويا مغـرور أناشدك بالله ميمـر المـر والحالـي
بالقلب لك شـيٍ كثيـر
حبك لجا وسط الضمير
الوضع يالغالي خطيـر
ومنين أبلقـى العافيـه !
حاولت أبشرح وأقـول
وأخاف قصتنـا تطـول
وأخاف من كثر الحلول
وأكيد مثلي .. خايفـه !
أبني قصـورٍ بالهـوى
تعبـت أدور لــي دوا
واليوم أنا قلبـي نـوى
ينهي فصـول البالغـه
مليت مـن دنيـا الشقـا
وين أنت ياظبي الشفـا
اللـي بقلبـي ماخـفـا
واللي بعيونك .. شايفه !
قله خلاص اللي حصل منه كافـي ما أبيه أبد .. قلـه يقـول النهايـه
من صالحي الفرقى صارت العوافي كـل يـوم يبتعـد بــه دوايــه
جرحي ثلاث سنين بالقلـب خافـي ما ذاك والله ما نقض مـن غلايـه
يخطي كثيـر ويعتقـد مـا شافـي وأنا أتغاضى بالخطأ مـن خطايـه
قلـه اداريـه لا يصيـر إختلافـي أخاف أعاتب يمتنـع عـن هوايـه
ذا الحين قلبي من هواه ذاك صافي حـبٍ جديـد وتـونـي بالبـدايـه
هذا جوابي وإشـرح الـرد وافـي لا عاد يرسل ماوصلني .. كفايـه !
فزقلبي وإرتجـف وسـط المطـار حين نادى النـاس مأمـور السفـر
إنتهـظ خلـي وودعنـي وســار قمت أطالـع لأختفـى نـور البـدر
صرت مادري ليل حنا .. أو .. نهار دكـت الونـات قلـبـي والـكـدر
آخر النظرات مـن خلـي شـرار شبـت بقلبـي تعالـيـل النـظـر
ذكّرتنـي بالمصّفـر ويـش صـار يـوم تجمعنـا ذعاذيـع السـحـر
بهجـوع الليـل سويـنـا قــرار بـس خانتنـا تصاريـف الـدهـر
عالجوني يحسبون إنـي مريـض ما دروا عن علتي وسط الرياض
قلت يا أهل الخير بالخط العريض علتي ودواي من صافي البيـاض
أشهد إني بالهوا ماني حضيـض ساكن عنيزه .. وخلي بالريـاض
على قول اللي لهم طرفٍ غضيض راح قلبـي عندهـم مايستعـاض
إفترقنـا ياهلـي والنـاس قيـض هذا حكم الوقت ماعنه إعتـراض
شفتك مع اللي صار عقبى حبيبك واحتارت العبرة بعيني وصديـت
مدري هي الصدفة لدربي تجيبك مدري أنا اللي في دروبك تحريت
يا قلب جرحك سبّته من طبيبـك يا قلب ليتك بالوفاء مـا تماديـت
ملكتني واقفيـت ربـى حسيبـك ما تعرف الرحمة بقلـبٍ توليـت
من حبنا كـل السعـادة نصيبـك يا فاقد الإحساس عنـي تخليـت
وش فأيده لا قلت عنـي حبيبـك وأنت بحياتك يوم ما ظن حبيـت[/size][/center]