[center][size=18][size=18][color:3850=olive]غناوي شعبيـة .,,الي كانت الأم تغنيهــا ال طفلهــا
هوب هوب يالبطه.....يالنعنبو من حطه
ماحطته الا غويليه....وغلايل راحت البر
اتجيب العيش الاحمر....وان حطه بالصوانى
على جيت خوالى.....خوالى يا دلالى
ياصويحبي...ياالتربي...كود على ويه الصبي
ترى الصبي...مايستحي ..يلعب مع البنياتى
::::
::::
غلايل مادريتى :: عن خطارن لفوج
قالتلى جان غبشه :: واحد مثل الملوك
ابيي ماخلانى :: زوجنى دوسري
عنده افلوسن واجد :: يبيع ويشتري
::::
::::
يازين بيت أبووي :: كله سعه ابسعه
ومصككه بيبانه. :: يا ربي ترجعه
ومويسد راسه الخيمه :: ومثور مدفعه
يمه لقيت ابقيشه:: بيضه ومشمعه
فيها غراش حنا :: يعل امى اتهنا::في غرفتن جديده
فيها زل ومساند. :: فيها ابوي يدق القهاوي
::::
::::
حمامه نودي نودي (( أظن من السعوديــة )) عندنا في قطر نفس الشي مع اختلاف بسيط ..
سلمي على سيودي
سيودي راح مكه
يجيب العيش ويحطه
يحطه في صندوقي
صندوقي ما له مفتاح
المفتاح عند الحداد
والحداد يبي فلوس
والفلوس عند العروس
والعروس تبي رجل
والرجل يبي العيال
والعيال يبون حليب
والحليب عند البقر
والبقر يبون حشيش
والحشيش فوق الجبل
والجبل يبي مطر
والمطر من عند الله
لا إله إلا الله
الله يسلم عبدالله
Ω تـوب تـوب يـا بـحـر Ω
--------------------------------------------------------------------------------
أغلبكم يعرف أغنية البحر المشهوره :
.
.
توب توب يابحر .. توب توب يابحر .. أربعه والخامس ظهــر
تـوب تـوب يابحـر .. تـوب تـوب يابحـر .. هـات عيالنـا من البحــر
تـوب تـوب يابحــر .. تــوب تــوب يابحـر
ماتخـاف من الله يابحــر .. ماتخـاف من الله يابحـــر
يانواخذهـم لاتـصلب عليهـم .. يانواخذهــم لاتصلب عليهـم
ترى حبال الغوص قطعـت إيديهــم
تـوب تـوب يابحــر .. تــوب تــوب يابحــر
ياليتني فوق الدقـل حمـامــه .. ياليتني فوق الدقـل حمـامــه
أبشـر ياغــواص بالسـلامــه .. أبشـر ياغــواص بالسـلامـــه
ياليتني إدهينـه وأدهـن إيديهـم .. ياليتني إدهينـه وأدهـن إيديهـم
وياليتني خيمـه وأظـلـل عليهـم .. وياليتني خيمـه وأظـلـل عـليهــم
.
.
هـذي الأغنيـه يغنونهـا حريم لأول قبل موعـد القفـال بحوالي ثلاثة أو
أربعة أسابيع ..
يعني ( شهـــر ) .. يعتبر يوم القفـال يوم مهـم جداََ خاصة عند الأهـالي
اللي لهم عيال ورياييل داشين الغـوص ينتظرون ردتهم الديرة على أحر
من الجمـــر ..
يبدون الحريم والبنات يغنون هالأغنيه مثل ماذكرت قبل موعد القفال
بشرط يكون عقب المغــرب ..
بحيث يتجمعون صوب السـِيف .. وتشرف على الغناء إمرأه قويـه ونشيطه
تتحمل المسؤوليه عن جميع النساء ..
أما الحريم الباقي يبدون بجمع الحطب وسعف النخل ويستخدمونهـا لأشعـال النـار ..
وبعدهـا يوقفون على هيئة دائريه متحركـه وينشدون بعض الأناشيد
والأهـازيج اللي أهمهـا توب توب يابحــر ..
.
.
القصد من هـالأغنيــــه
تخويف البحـر وتأديبـه وتهـديده !!
لأنه السبب في فـراق أهلهم الذي طـال عنهـم أيام وليالي ..
وفي إعتقادهـم إن بجيتهم للبحر وتخويفه بيرجع أهلهم لهـم !!
سالمين غانمين بالولو والخيـــر محمليــن ..
.
.
سبب حملهم سعف النخيـل المشتعــل
سبب طريـف ويدعو للغرابه والإستغراب !! هالسبب يخليهم يطلعون
اللي في صدورهم وقلوبهم من مشاعر جياشه وعاطفه وفراق وغيره ..
حيث إعتادوا على ضرب البحر وحرقه وكيه بالنـار ( يكونـه ) ..
علشان يحس باللوعه والفراق اللي يحسون فيه !!
.
.
ماسألتوا نفسكم !! شسالفه القطوووه !!
هالقطوه الله يسلمكم يلبسونهـا قطعه من مشموم تتعلق على رقبتهـا
وتقوم وحده من الحريم بشرط تكون شجاعه وقويه ..
بثقب أذن القطـه وتحط في أذنهـا خـرز..
وبعض الحريم يغطسون القطووه في البحر عدة مرات والقصد تنجيس البحر بهـا !!..
وبعدهـا تقوم المره القويه بشد أذن القطه بشده فتصرخ من الألـــم
( ميـــــاو ...ميـــــاو ..ميــاو)
فترد النساء أجمع بالقول ( يـاو .. يـاو .. يــاو )
يعني جاؤا جاؤا !! والطرف الآخر من النساء يقومون بحرق البحر بالسعف
علشان يحس بالألم اللي يحسون فيه ..
والبعض الآخر يحذف ويلقي الحجارة :الحصـا : عليه
أو يصبون فيه عشرج ( حـلول ) كي يصاب بالأسهــال !!
.
ويرجعون أهلهم ساليمن غانمين بالولو محملين
اخ على الزمن القديم وزمن الاغاني القديمه[/color][/size][/size][/center]
